Dalvíkingar efstir í 3. deild karla

Meistaraflokkur Dalvíkur/Reynis hefur byrjað Íslandsmótið í knattspyrnu vel og eru efstir eftir tvær umferðir.

Eftir öruggan 4-0 sigur á KH í fyrstu umferðinni þá mætti liðið til Reykjavíkur um helgina og lék við Vængi Júpíters á Fjölnisvelli.

Númi Kárason skoraði strax í upphafi leiks fyrir D/R og var staðan því 0-1 eftir aðeins þrjár mínútur.  Bæði lið gerðu eina skiptingu í hálfleik en Þröstur Jónasson fór útaf fyrir Halldór Jóhannesson hjá D/R.

Númi Kárason var aftur á ferðinni á 87. mínútu og kom D/R í þægilega stöðu, 0-2.

Þjálfari Dalvíkur gerði svo þrjár skiptingar í uppbótartímanum og náði liðið að halda þetta út og sigraði 0-2.

Liðið er núna með 6 stig á toppi 3. deildar með markatöluna 6-0.