Dalvík/Reynir mætti Álftanesi í 3. umferð Gatorate bikarsins, bikarkeppni neðri deildarliða í gær á Dalvíkurvelli. Sigurliðið myndi komast í undanúrslit bikarkeppninnar, því var mikið undir í þessum leik. D/R hafði unnið Þrótt Vogum og Hamar í 1. og 2. umferð bikarsins.
Álftanes leikur í 4. deild karla á meðan D/R er í 2. deildinni. Liðin mættust síðast árið 2018 í Lengjubikarnum og einnig í 3. deildinni árið 2010. D/R hafði unnið alla þessa leiki.
Þjálfari D/R gerði nokkrar breytingar á liðinu frá síðasta deildarleik.
Það voru heimamenn sem gerðu fyrsta markið á 19. mínútu fyrri hálfleiks og gerði Hektor Bergmann Garðarsson markið. Gestirnir frá Álftanesi jöfnuðu 10 mínútum seinna. Á 45. mínútu komst Álftanes í 1-2 og var það staðan í hálfleik.
Álftanes byrjaði seinni hálfleik sterkt og skoruðu þriðja markið á 49. mínútu,staðan nokkuð óvænt orðin 1-3.
Þjálfari D/R gerði fljótlega eftir þetta mark fjórar breytingar á liðinu.
Álftanes fékk vítaspyrnu á 87. mínútu og komust í 1-4. Lokamark leiksins kom á 92. mínútu í uppbótartíma og vann Álftanes 1-5 sigur og eru liðið komið í undanúrslit Gatorate bikarsins.
Fyrirfram nokkuð óvænt úrslit,en allt getur gerst í bikarleik.