Dalvík/Reynir og Kormákur/Hvöt mættust í 13. umferð í 2. deild karla á Íslandsmótinu og fór leikurinn fram á Blönduósvelli. D/R vann fyrri leik liðanna í sumar 1-0 og á Íslandsmótinu í fyrra unnu bæði liðin sinn heimaleik 1-0. Það er mikil barátta um 2. sæti deildarinnar og mjög þéttur pakki í efri hlutanum og hvert stig dýrmætt. Það var athyglisvert að sjá að 10 erlendir leikmenn voru í byrjunarliði Kormáki/Hvöt í þessum leik.
Það voru heimamenn sem byrjuðu betur og skoruðu á 20. mínútu og aftur rétt fyrir hálfleik og var staðan því 2-0 þegar dómarinn flautaði til leikhlés.
Þjálfari D/R gerði tvöfalda skiptingu í hálfleik og kom Sævar Þór Fylkisson og Gabriel Lukas Freitas inná fyrir Hákon Aðalsteinsson og Aires Rodrigo Da Encarnacao Sousa.
Kormákur/Hvöt skoraði þriðja markið á 54. mínútu og voru komnir í góða stöðu.
Dalvík/Reynir svaraði fljótt og var það Áki Sölvason sem gerði markið. Staðan 3-1 og rúmur hálftími eftir.
Fleiri mörk voru ekki skoruð og unnu heimamenn 3-1 sigur. Dalvík er í 5. sæti deildarinnar eftir 13 leiki og er með 20 stig eins og Kormákur/Hvöt.
D/R hafa núna tapað tveimur leikjum í röð en stutt er á milli liða og getur sigur í næstu umferð breytt stöðunni.