Dalvík/Reynir heimsótti Álftanes úrslitakeppninni í 2. deild kvenna í B-úrslitum. Leikurinn fór fram á Samsungvellinum í Garðabæ. D/R stelpurnar mættu ákveðnar til leiks, en þær höfðu ekki sigrað í nokkrum leikjum á undan og tapaðist síðasti leikur gegn Álftanesi 0-4.
Rakel Sjöfn Stefánsdóttir skoraði fyrsta mark leiksins á 18. mínútu og kom D/R yfir 0-1 og þannig var staðan í hálfleik. Þjálfari D/R gerði eina skiptingu í hálfleik og kom Anita Ingvarsdóttir inná fyrir Eriku Egilsdóttur.
D/R byrjaði síðari hálfleikinn vel og skoruðu strax á 53. mínútu og var það Anita Ingvarsdóttir sem gerði markið. Hennar áttunda mark í deildinni og úrslitakeppninni í 14 leikjum.
Heimakonur gerðu þrefalda skiptingu eftir markið og fljótlega aðra tvöfalda skiptingu. D/R stelpurnar héldu út og unnu leikinn 0-2.
D/R stelpurnar leika næst við Sindra á Dalvíkurvelli 12. september.