Dagrún Matthíasdóttir er bæjarlistamaður Akureyrar 2021

Akureyrarbæjar hélt Vorkomuna á sumardaginn fyrsta, en að þessu sinni var hátíðin aðseins send út á netinu. Verðlaun og viðurkenningar voru veitt.

Dagrún Matthíasdóttir er bæjarlistamaður Akureyrar 2021.

Dagrún er fædd árið 1971. Hún lauk stúdentsprófi frá Fjölbrautaskólanum í Breiðholti árið 1992, stundaði nám við Myndlistaskólann á Akureyri 2003-2006, og háskólanám við HA 2006-2010. Þá hefur hún sótt námskeið í myndlist og verið í vinnudvöl víða, meðal annars í Flórens á Ítalíu. Einnig hefur hún sinnt kennslu í myndlist í þónokkur ár, þar sem hún hefur meðal annars kennt grunnskólabörnum að gera bæði dúkristur og einþrykk með góðum árangri.

Heiðursviðurkenningar hlutu Ásta Sigurðardóttir menningar- og félagsmálafrömuður, Helgi Vilberg Helgason skólastjóri Myndlistarskólans á Akureyri og Kristján Pétur Sigurðsson listamaður.

Viðurkenningu Húsverndarsjóðs hlutu eigendur hússins að Lækjargötu 4, bræðurnir Hallbjörn og Hjalti Karlssynir og fjölskyldur þeirra.

Byggingarlistaverðlaun voru veitt fyrir hús Votta Jehóva við Sjafnarstíg sem finnski arkitektinn Risto Karjalainen hannaði.

Mynd og texti: Akureyri.is