Búið að fullleita á landi – bátur skannar hafsbotninn

Í dag voru um 25-30 manns frá björgunarsveitum að leita að manni sem saknað hefur verið á Siglufirði. Eingöngu var leitað á sjó þar sem talið er að búið sé að fullleita leitarsvæðið á landi. Því var eingöngu notast við kafara og báta til leitar í dag en meðal þeirra var bátur Björgunarfélags Akraness sem er búinn skanna til að mynda hafsbotninn.