Braust inn á Sjúkrahúsið á Akureyri í annarlegu ástandi

Fyrir tæpum tveim vikum kom einstaklingur í annarlegu ástandi á bráðamóttöku sjúkrahússins á Akureyri vildi fá lyf og sýndi af sér ógnandi hegðun. Öryggisvörður á vakt kallaði þá til lögreglu. Viðkomandi einstaklingur fór þá út og braut glugga í kjallara og komst þaðan upp á fæðingadeild þar sem voru sængurkonur, makar þeirra og börn. Þar sýndi hann af sér ógnandi hegðun og stofnaði öryggi starfsfólks og sjúklinga í hættu. Lögreglu tókst að yfirbuga manninn áður en skaði hlaust af. Áfallateymi var kallað til í kjölfarið. Öryggisviðbúnaður sjúkrahússins verður endurskoðaður í framhaldi af þessu atviki.