Bora eftir köldu vatni á Sauðárkróki

Á næstu dögum mun hefjast borun á könnunarholu fyrir kalt vatn á Sauðárkróki á Nafabrúnum ofan við Lindargötu. Holan er staðsett á landi í eigu sveitarfélagsins Skagafjarðar og er staðsetning holunnar ákveðin í samráði við sérfræðinga hjá ÍSOR, Íslenskum orkurannsóknum. Áætlað er að bora niður á um 50 m dýpi. Ef neysluhæft vatn finnst í nýtanlegu magni í holunni er áætlað að tengja holuna við stofnlögn vatnsveitu sem liggur frá Sauðárgili og að vatnstönkum á Gránumóum.