Blakfélag Fjallabyggðar í Kjörísbikarnum

Fyrstu tvær umferðirnar í Kjörísbikarnum í blaki verða leiknar frá 9. október til 5. nóvember en dregið verður sérstaklega í 3. umferð þegar ljóst er hvaða lið verða í pottinum þá ásamt úrvalsdeildarliðunum. Blakfélag Fjallabyggðar tekur þátt með karla og kvennalið í ár. Karlalið BF mætir Völsungi í fyrstu umferð, leikið verður á Siglufirði. Kvennalið BF mætir Fylki í Árbænum. Dagsetningar þessara leikja verða kynntar strax eftir helgi.

Kjörísbikarinn í blaki:

Í 1. umferð mætast BF og Völsungur á Siglufirði í karlaflokki og BFH situr hjá.
Í 2. umferð mætast svo annað hvort BF eða Völsungur liði BFH fyrir norðan.

Í 1. umferð í kvennaflokki mætast BFH og Keflavík í Hafnarfirði á meðan Einherji og UMFG sitja hjá.
Í 2. umferð mætir UMFG annað hvort BFH eða Keflavík í Grundarfirði, Einherji fær Völsung í heimsókn á Vopnafjörð og Fylkir tekur á móti BF í Árbænum.