Björgunarsveitir í Fjallabyggð björguðu litlum fiskibáti

Stjórn­stöð Land­helg­is­gæsl­unn­ar barst neyðarboð frá litl­um fiski­bát í gær. Bát­ur­inn var stadd­ur afar nærri landi, norðarlega í mynni Ólafs­fjarðar og hafði fengið net í skrúf­una.

Björg­un­ar­sveit­in Tind­ar í Ólafs­firði og björg­un­ar­skipið Sig­ur­vin frá Strákum á Sigluf­irði voru kölluð út á mesta for­gangi. Um tíma leit út fyr­ir að bát­num myndi reka í strand. Aðgerðastjórn var einnig virkjuð á Ak­ur­eyri.

Fyrsta viðbragð var frá Björgunarsveitinni Tindi í Ólafsfirði sem héltu út á tveimur björgunarsæþotum og komu taug í fiskibátinn sem hafði þegar varpað akkeri, og var ekki lengur yfirvofandi hætta á strandi bátsins.

Skömmu síðar kom björg­un­ar­skipið Sig­ur­vin frá Siglufirði á vett­vang og tók bát­inn í tog og dró inn til hafn­ar á Ólafs­firði.

Veður var gott og gekk björgunaraðgerðin mjög vel.