Björgunarsveitin bjargaði sauðfé í sjálfheldu á Siglufirði

Björgunarsveitin Strákar og Björgunarskipið Sigurvin á Siglufirði voru kölluð til aðstoðar í dag þar sem sauðfé lenti í sjálfheldu í fjörunni norðan Staðarhóls í Siglufirði.

Lending frá sjó var ekki gerleg vegna sjógangs en björgunarmenn sigu niður í fjöruna og komu fénu af stað upp brattan bakkann. Þaðan var fénu svo smalað inn fjörðinn og sótt af eigendum.

Enn og aftur mæta hetjurnar í Fjallabyggð og leysa málin með bros á vör.

Frá þessu var fyrst greint á FB síðu BS Stráka.

Myndir og heimild: BS Strákar Siglufirði.