Barna- og unglingagolfmót á Sauðárkróki

Barna- og unglingagolfmót verður haldið á Hlíðarendavelli á Sauðárkróki sunnudaginn 30. júní kl. 8.  Elstu unglingarnir verða ræstir út fyrst og yngstu síðast. Ræst verður í tvennu lagi og verðlaunaafhending verður einnig í tvennu lagi. Mótið er fyrir alla, byrjendur sem lengra komna. Mótið er flokkaskipt og kynjaskipt.

Flokkarnir eru þessir:

  • 17-18 ára piltar og stúlkur – 18 holur
  • 15-16 ára drengir og telpur – 18 holur
  • 14-ára og yngri strákar og stelpur – 18 holur
  • 12 ára og yngri strákar og stelpur sem spila 9 holur
  • Byrjendaflokkur strákar og stelpur spilar 9 holur af sérstaklega styttum  teigum

Opnað hefur verið fyrir skráningu á www.golf.is.  Nándarverðlaun verða veitt og vippkeppni í öllum flokkum. Viðurkenning fyrir flesta punkta með forgjöf á 18 holu flokkunum, virk forgjöf er skilyrði.  Mótsgjald er 1.500 kr.