Bandarískur ferðamaður lést í köfunarslysi í Eyjafirði

Maðurinn sem lést í köfunarslysi í Eyjafirði í gær var bandarískur ferðamaður á 64. aldursári. Var hann í hópi ferðamanna sem voru að stunda kafanir á Íslandi. Þegar slysið átti sér stað í gær var verið að ljúka köfun að hverastrýtunum sem eru staðsettar í Eyjafirði. Maðurinn var vanur kafari og stendur rannsókn á tildrögum slyssins yfir.  Hinn látni skilur eftir sig eiginkonu. Lögreglan á Norðurlandi eystra greindi fyrst frá þessu í dag.