Bæjarráð Fjallabyggðar mótmælir áformum stjórnvalda

Bæjarráð Fjallabyggðar hefur mótmælt harðlega þeim áformum stjórnvalda að skerða möguleika til framhaldsnáms í sveitarfélaginu. Áform þessi virðast hvorki tilgreina hvaða sparnaður eða faglegi ávinningur næst né hvaða tækifæri liggja í þessum breytingum fyrir nýjan skóla sem sannað hefur gildi sitt og hefur ávallt verið rekinn innan fjárlaga. Þetta kom fram á fundi bæjarráðs þann 18. nóvember í Ráðhúsi Fjallabyggðar.

Menntaskólinn á Tröllaskaga er ein af grundvallarstofnunum samfélagsins sem hefur veitt fólki möguleika á að stunda framhaldsskólanám í sinni heimabyggð.

Fólk eldra en 25 ára hefur í miklum mæli stundað nám við skólann en með boðuðum breytingum mun slíkt ekki standa fólki til boða. Með þeim er vegið að starfsemi og sjálfstæði skólans og því skorar bæjarráð á þingmenn kjördæmisins að koma í veg fyrir að þessi áform verði að veruleika.

17% nemenda í framhaldsskólum landsins eru yfir 25 ára aldri 4348 nemendur. Mennta­málaráðherra hef­ur boðað breyt­ing­ar á regl­um um skrán­ingu eldri nem­enda í bók­nám.

mtr