Bæjarráð Fjallabyggðar gagnrýnir harðlega hugmyndir um grásleppuveiðar

Bæjarráð Fjallabyggðar gagnrýnir harðlega fram komnar hugmyndir stjórnvalda um tilhögun grásleppuveiða fyrir árið 2013.

Fram kemur í fundargerð Bæjarráðs Fjallabyggðar þann 26. febrúar að farið sé fram á það við atvinnu- og nýsköpunarráðherra að draga verulega úr skerðingaráformum vegna grásleppuveiða fyrir árið 2013. Nái þessar tillögur fram að ganga óbreyttar, þá er verið setja í uppnám afkomu fjölmargra útgerða og einstaklinga í Fjallabyggð.