Bæjarráð Akureyrar mótmælir niðurskurði Sjúkrahússins

Bæjarráð Akureyrar mótmælir þeim niðurskurði sem boðaður hefur verið á Sjúkrahúsinu á Akureyri á árinu 2012. Um er að ræða mikla þjónustuskerðingu og umtalsverða fækkun leguplássa.

Sjúkrahúsið á Akureyri er samkvæmt lögum varasjúkrahús Landspítalans og því mikilvægt að standa vörð um stofnunina. Þá mun niðurskurður á öðrum heilbrigðisstofnunum í nærliggjandi sveitum enn auka álagið á Sjúkrahúsið á Akureyri og því nauðsynlegt að efla starfsemi þess fremur en að skerða hana.