Bæjarfulltrúar Sjálfstæðisflokksins með viðtalstíma

Bæjarfulltrúar Sjálfstæðisflokksins í Fjallabyggð hafa ákveðið að hafa viðtalstíma einu sinni í mánuði í Fjallabyggð, þar sem íbúum gefst kostur á að koma og spjalla við bæjarfulltrúa.

Fyrsti viðtalstíminn er á morgun, mánudaginn 21. janúar í Ráðhúsi Fjallabyggðar á Siglufirði frá kl 16:30 – 17:30 en þar verða bæjarfulltrúarnir Helga Helgadóttir, S.Guðrún Hauksdóttir og Tómas Atli Einarsson. Íbúar eru hvattir til að koma í spjall.

Í næstu viku verður viðtalstími í Ólafsfirði.