Auglýst eftir umsóknum um bæjarlistamann Fjallabyggðar 2018

Fjallabyggð hefur auglýst eftir umsóknum eða rökstuddum ábendingum um Bæjarlistamann Fjallabyggðar 2018.  Nafnbótin bæjarlistamaður getur hlotnast einstökum listamanni eða hópi.  Styrkur til bæjarlistamanns 2018 nemur kr. 300.000 til einstaklings og kr. 400.000 til hóps. Aðeins listamenn sem hafa verið búsettir í Fjallabyggð í að minnsta kosti um tveggja ára skeið koma til greina.

Umsóknir eða ábendingar skulu berast til bæjarfélagsins fyrir 6. desember 2017, með bréfi eða í tölvupósti á netfang markaðs- og menningarfulltrúa; lindalea@fjallabyggd.is. Reglur um tilnefningu bæjarlistamanns má finna á heimasíðu Fjallabyggðar.