Atvinnu- og nýsköpunarhelgin á Akureyri í lok mars

Atvinnu- og nýsköpunarhelgin fer fram á Akureyri í fjórða sinn helgina 28. – 30. mars næstkomandi. Viðburðurinn er haldinn í þeim tilgangi að hjálpa einstaklingum að koma hugmyndum sínum í framkvæmd. Það eru Tækifæri, Háskólinn á Akureyri, Stefna og Akureyrarstofa sem standa að helginni.

Fyrirmyndin er erlend, StartupWeekend þar sem þátttakendur mæta með eða án hugmyndar, skipta sér í lið og vinna frá föstudegi til sunnudags við að byggja upp viðskiptahugmyndir.Markmiðið er að klára frumgerð, eða sem næst því, af vörunni eða þjónustunni sem unnið er að. Margir sérfræðingar mæta yfir helgina og hjálpa þátttakendum við vinnslu hugmyndanna.

Fyrstu verðlaun eru 1.000.000 kr og verða veitt verðlaun fyrir þrjú efstu sætin og fjórum hugmyndum veitt sérverðlaun. Allir geta tekið þátt og er þátttakan ókeypis. Skráning fer fram á www.ana.is .

Innifalið:

  • Hjálpsamir og reynslumiklir mentorar
  • Leiðsögn og kennsla á tól og tæki sem nýtast við stofnun fyrirtækja
  • Gagnlegir fyrirlestrar
  • Verðlaun fyrir bestu hugmyndina
  • Matur og drykkur allan tímann