Ástþór Árnason listamaður hefur hlotið nafnbótina Bæjarlistamaður Fjallabyggðar 2024. Fjölmargar tilnefningar bárust eins og undanfarin ár.

Ástþór Árnason er Siglfirðingur, fæddur 1992, og þegar orðinn landskunnur fyrir húðflúr sín. Hæfileikar Ástþórs á listasviðinu komu snemma fram og var hann ungur að árum er hann opnaði sína fyrstu myndlistarsýningu. Síðan þá hefur hann haldið nokkrar einkasýningar og tekið þátt í samsýningum. Hann lauk stúdentsprófi af listabraut við Menntaskólann á Tröllaskaga árið 2013 og hefur listsköpun verið hans aðalstarf síðan þá.

Ástþór hef­ur vakið mikla at­hygli fyr­ir glæsi­leg­ar tattú­skreyt­ing­ar sín­ar og þykja verk hans einkar fagmannlega unnin og vekja eftirtekt fyrir vönduð vinnubrögð og verkkunnáttu. Ástþór er með vinnustofu á Siglufirði þar sem hann bæði húðflúrar og vinnur að öðrum verkum sínum.

Bæjarlistamaður Fjallabyggðar 2024, verður útnefndur við hátíðlega athöfn í byrjun árs 2024. Við sama tilefni verða afhentir menningarstyrkir Fjallabyggðar fyrir árið 2024.

Þetta kemur fram í tilkynningu á vef Fjallabyggðar ásamt ljósmyndum.