Ástralskur trúbador með tónleika í Siglufjarðarkirkju

Laugardagskvöldið 4. ágúst klukkan 20:00 í Siglufjarðarkirkju mun hinn víðförli ástralski trúbador Ben Salter flytja söngdagskrá með eigin lögum og textum. Tónleikarnir eru hluti af alþjóðlegu tónleikaferðalagi Salters víða um lönd, þ.á.m. Japan, Bretland, Frakkland, Danmörk og Ísland – en tónleikaferðalagið ber yfirskriftina „2018 International Madness Tour“. Salter hefur getið sér gott orð í heimalandi sínu fyrir kraftmikla og perónulegu tónlistarnálgun, hefur honum oft verið lýst sem einum af vönduðustu lagasmiðum Ástralíu.
Tónleikarnir eru haldnir í samstarfi við Þjóðlagasetrið, miðaverð er 1.000.- og eru allir velkomnir.