Andrésarleikarnir hefjast í vikunni á Akureyri

Skíðafélag Akureyrar heldur 38. Andrésar andar leikana í skíðaíþróttum í Hlíðarfjalli á Akureyri, dagana 24.-27. apríl. Andrésarleikarnir eru stærsta skíðamót landsins með allt að 800 keppendum á aldrinum 6-15 ára ár hvert. Þeim fylgja þjálfarar, fararstjórar, foreldrar og fjölskyldur og má því gera ráð fyrir að um 2500 manns komi að þessu móti.