Ámundi heiðraður eftir 43 ár í slökkviliðinu

Ámundi Gunnarsson sem lét nýlega af störfum sökum aldurs sem slökkviliðsstjóri í Fjallabyggð var heiðraður fyrir störf sín í dag að viðstöddum liðsmönnum slökkviliðsins.

Ámundi hóf störf í Slökkviliði Siglufjarðar árið 1978 og hefur því starfað í liðinu í 43 ár. Ámunda eru þökkuð óeigingjörn störf í þágu samfélagsins á sviði bruna- og öryggismála.

Þetta kemur fram á síðu Slökkviliðs Fjallabyggðar í dag ásamt myndum sem eru birtar hér með góðfúslegu leyfi.