Almennt atvinnuleysi á Norðurlandi eystra var 5% í júlí

Almennt atvinnuleysi á Íslandi var 7,9% í júlí 2020. Er það nokkur aukning frá fyrri mánuðum, en það var 7,5% í júní og 7,4% í maí. Atvinnuleysi tengt minnkuðu starfshlutfalli hefur á hinn bóginn lækkað hratt og var komið niður í 0,9% í júlí, samanborið við 2,1% í júní og 10,3% í apríl þegar það var hvað mest.

Almennt atvinnuleysi á Norðurlandi eystra í júlí var 5,0% og 5,5% með minnkuðu starfshlutfalli. Á Norðurlandi vestra var almennt atvinnuleysi í júlí 2,8% og 3,3% með minnkuðu starfshlutfalli.

Þetta kemur fram í gögnum frá Vinnumálastofnun.