Álfheiður Agla úr Grunnskóla Fjallabyggðar sigraði upplestrarkeppnina

Lokahátíð Stóru upplestrarkeppninnar fór fram í Menningarhúsinu Tjarnarborg í Ólafsfirði sl. þriðjudag. Lokahátíðin er uppskeruhátíð nemenda í 7. bekk, en þeir hafa lagt rækt við vandaðan upplestur á undanförnum mánuðum. Myndir af keppninni má sjá hér.

Níu nemendur kepptu að þessu sinni og komu þeir frá Árskógarskóla, Dalvíkurskóla og Grunnskóla Fjallabyggðar.  Tónskóli Fjallabyggðar sá um tónlistaratriði.

Í efstu sætum voru eftirfarandi krakkar:

  • 1. sæti Álfheiður Agla Oddbjörnsdóttir úr Grunnskóla Fjallabyggðar
  • 2. sæti Amanda Guðrún Bjarnadóttir úr Árskógarskóla
  • 3. sæti Guðrún Fema Sigurbjörnsdóttir úr Grunnskóla Fjallabyggðar

U.þ.b. hundrað gestir fylgdust með upplestrinum sem keppendur skiluðu með miklum sóma.

093

Heimild og mynd: www.fjallaskolar.is