Akureyrarbær lagar gervigrasið í Boganum

Viðgerðir á gervigrasinu í íþróttahúsinu Boganum á Akureyri hófust í vikunni og standa í nokkra daga. Leikir í Kjarnafæðismótið í knattspyrnu hafa undanfarnar vikur farið fram á vellinum.

Skipt var um gervigras í Boganum árið 2016. Akureyrarbær fékk nýverið ábendingar um að ástand vallarins hefði versnað til muna og þónokkrar skemmdir væru á gervigrasinu.

Nú er ráðist í nauðsynlegar lagfæringar í góðu samráði við þau íþróttafélög sem standa fyrir æfingum í húsinu.

Heimild: akureyri.is