Áhugaverð fjárhagsáætlun Fjallabyggðar næstu árin

Bæjarráð Fjallabyggðar hefur samþykkt samhljóða að vísa fjárhagsáætlun til fyrri umræðu í bæjarstjórn Fjallabyggðar. Egill Rögnvaldsson sat hjá þar sem hann er ósáttur við aðferðarfræðina ekki sáttur við forgangsröðun í framkvæmdum fjárhagsáætlunar.

Eftirtöld atriði komu til umræðu:

  •  Gjaldskrá Leikskóla Fjallabyggðar hækki um 2% frá 01.01.2013.
  •  Heildarframlag til frístundakorta hækki um 475 þús.
  •   Snjóaeftirlit á skíðasvæði á Siglufirði verði greitt af Fjallabyggð.
  •   Heildarkostnaður við skíðasvæði í Ólafsfirði 2013 verði 8,5 milljónir.
  •   Skólahús við Hlíðarveg á Siglufirði verði sett í sölumeðferð. Afhending húsnæðisins  verði miðuð við 1. ágúst 2013.
  •   Ekki verður tekin ákvörðun um ráðstöfun framkvæmdafjár hafnarinnar fyrr en  nauðsynlegar upplýsingar, s.s. um Hafnarbryggju, liggja fyrir.
  •   Ráðinn verði ráðgjafi til þess að gera stjórnsýsluúttekt á sveitarfélaginu. Niðurstöður og tillögur úr þeirri úttekt liggi fyrir 1. maí 2013.
  •   Málefni upplýsingamiðstöðva færast undir menningarnefnd. Á Siglufirði verður hún starfrækt í bókasafni og starfsmenn bókasafns og héraðsskjalasafns sinna starfi upplýsingafulltrúa. Stefnt er að því að gera þjónustusamning við verktaka um rekstur upplýsingamiðstöðvar í Ólafsfirði.