6,4 stöðugildum sagt upp í Arion banka í Fjallabyggð

Þann 28. september síðastliðinn tilkynnti Ari­on banki um uppsagnir 46 starfsmanna. Þar af störfuðu 27 í höfuðstöðvum bank­ans og 19 á öðrum starfs­stöðvum. Í útibúum banks í Fjallabyggð fækkaði um 6,4 stöðugildi. Bæjarráð Fjallabyggðar hefur lýst yfir áhyggjum sínum vegna þessa uppsagna í Fjallabyggð. Þessar uppsagnir eru þvert á þær yfirlýsingar sem forsvarsmenn gáfu bæjarráðsfulltrúum og bæjarstjóra Fjallabyggðar við yfirtöku Arion banka á Afli-Sparisjóði á Siglufirði.
Niðurskurður stöðugilda í Fjallabyggð er þriðjungur í stöðugildafjölda bankans í uppsögnum á landsbyggðinni og er mikil blóðtaka fyrir samfélag eins og Fjallabyggð.

Bæjarráð Fjallabyggðar hefur óskað eftir því að fulltrúar Arion banka mæti á fund bæjarráðs og fari yfir núverandi stöðu mála og til framtíðar.

arion_banki_siglo