40% aukning á gistinóttum hótela á Norðurlandi

Gistinætur á hótelum á Íslandi í ágúst 2016 voru 433.000 sem er 24% aukning miðað við ágúst 2015. Gistinætur erlendra gesta voru 93% af heildarfjölda gistinátta í mánuðinum en þeim fjölgaði um 25% frá sama tíma í fyrra á meðan gistinóttum Íslendinga fjölgaði um 15%. Á Norðurlandi í ágúst 2015 voru 34.369 gistinætur en í ágúst 2016 voru 46.964 gistinætur, sem er 45% aukning.

Flestar gistinætur á hótelum í ágúst 2016 voru á höfuðborgarsvæðinu eða 232.800 sem er 22% aukning miðað við ágúst 2015. Um 54% allra gistinátta voru á höfuðborgarsvæðinu. Næstflestar voru gistinætur á Suðurlandi eða um 68.500. Erlendir gestir með flestar gistinætur í ágúst voru: Bandaríkjamenn með 96.000, Þjóðverjar með 79.600 og Bretar með 40.300 gistinætur.

Á tólf mánaða tímabili frá september 2015 til ágúst 2016 voru gistinætur á hótelum á Íslandi 3.389.000 sem er 29% aukning miðað við sama tímabil árið áður. Á Norðurlandi voru þetta 253.996 gistinætur september 2015 til ágúst 2016 sem er 40% aukning frá árinu á undan.

Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann.

gistin16_8
Heimild og mynd: hagstofa.is