20 skemmtiferðaskipakomur bókaðar næsta sumar

Alls er búið að bóka 20 skemmtiferðaskipakomur til Siglufjarðar næsta sumar. Búast má við að komunum fjölgi enn frekar.  Í ár var algjör sprengja þegar 42 skipakomur voru á Siglufirði. Árið 2017 voru 22 skipakomur og 14 árið 2016 og 19 árið 2015. Mun fjölbreyttari dagskrá er komin fyrir þessa skipafarþega sem stoppa flestir í um hálfan dag eða skemur á Siglufirði. Vinsælast er að heimsækja Síldarminjasafnið og eins er nýjung að heimsækja Segul 67 brugghúsið. Þá fara sumir farþegar beint í rútu og fara til Akureyrar eða Mývatns og eru svo sóttir á Húsavík eða Akureyri af skipinu.