20 greindust með covid í dag á Akureyri

Aðgerðarstjórn LSNE vill áfram vekja athygli á þeirri stöðu að Covid-smitum heldur áfram að fjölga á Akureyri. Eftirfarandi tilkynning birtist á samfélagsmiðlum nú í dag.
Í dag var tekinn fjöldi sýna á Akureyri og hafa a.m.k. 20 einstaklingar greinst smitaðir í dag. Af þeim eru 14 á grunnskólaaldri. Þá hafa sl. tvo daga rúmlega 300 manns verið sett í sóttkví.
Hvetjum við alla áfram til að huga vel að sinni stöðu og að forðast hópamyndanir, þá sérstaklega unga fólkið, sem virðist hvað mest vera að smitast þessa dagana.
Þá hvetjum við alla sem eru í forsvari fyrir einhverskonar félagasamtök og íþróttafélög að íhuga það alvarlega að slá viðburðum og æfingum á frest á meðan við í sameiningu náum vopnum okkar aftur í baráttunni við Covid.
Ef þú finnur til einhverra einkenna þá skalltu skrá þig í sýnatöku á www.heilsuvera.is það er opið á Strandgötunni báða dagana nú um helgina.
Texti: Tilkynning frá Lögreglunni á Norðurlandi eystra.