18,6 gráður á Siglufirði í dag

Það var hlýtt og milt veður norðanlands í dag. Hitinn á Siglufirði fór upp í 18,6 gráður klukkan 12:00 í dag en lækkaði nokkuð eftir það en tók aftur að hækka kl. 18:00 og mældist þá 16,8 gráður. Í Ólafsfirði mældist hitinn hæstur í dag 17,1 gráða kl. 12:00 en lækkaði töluvert eftir það. Í Héðinsfirði fór hitinn hæstur í 18,6 gráður kl. 13:00 í dag samkvæmt tölum frá Veðurstofu Íslands. Á Akureyri fór hitinn yfir 20 gráður, og mældist 20,5 gráður þegar mest var.