176 nemendur í Menntaskólanum á Tröllaskaga

Heildarfjöldi nemenda í Menntaskólanum á Tröllaskaga er núna 176. Staðnemar sem sækja kennslustundir í skólanum eru 142, en fjarnemar eru 34. Staðnemar eru nokkru fleiri en þeir voru á haustönn en fjarnemar eru aftur á móti heldur færri. Af fjarnemunum núna eru fjórtán sem taka einn eða tvo áfanga samhliða síðasta bekk í grunnskóla. Fjölmennustu brautirnar í skólanum eru félags- og hugvísindabraut og listabraut.

Á félags- og hugvísindabraut er nú skráður 41 nemandi en 39 á listabraut. Á íþrótta- og útivistarbraut er 31 en á náttúruvísindabraut eru 25 skráðir. Níu nemendur eru á starfsbraut. Á umhverfis- og auðlindabraut eru fimm nemendur en fjórir á fisktæknibraut. Þá stunda tveir viðbótarnám til stúdentsprófs.

Heimild: mtr.is