100 gestir geta mætt í sundlaugarnar í Fjallabyggð og 15 í ræktina

Ný reglugerð um sóttvarnir sem tók gildi 24. febrúar síðastliðinn kveður á um rýmkun á fjöldatakmörkunum á sundstöðum og í tækjasölum líkamsræktarstöðva.
Í Íþróttamiðstöð Fjallabyggðar hefur þetta þau áhrif að allt að 100 gestir geta verið í sundlaugum í einu en áfram er aðeins 7 einstaklingum heimilt að vera á sama tíma í heitum pottum til að tryggja fjarlægðarmörk milli einstaklinga þar. Athugið að börn fædd 2005 og síðar eru ekki talin með gestafjölda.

Gestir sundlaugar eru vinsamlegast beðnir um að virða reglur sem gilda um heita potta.
Þá geta 15 einstaklingar verið á sama tíma í líkamsræktarsölum en áfram þarf að láta skrá sig í tíma fyrirfram. Símanúmer í afgreiðslu íþróttahúss í Ólafsfirði er 4649250 og á Siglufirði 4649170.
Hér má sjá leiðbeiningar almannavarna fyrir starfsemi heilsu- og líkamsræktastöðva vegna Covid-19.