100 fermetra ærslabelgur á Skagaströnd

Um mitt sumar  var settur upp svokallaður „Ærslabelgur“  á Skagaströnd en það er  uppblásið leiktæki sem er um 100 fermetrar að flatarmáli. Ærslabelgurinn var settur niður á Hólanesi rétt við gamla húsið Árnes og í nágrenni við Kaffi Bjarmanes og veitingahúsið Borgina.

Ærslabelgurinn er blásinn upp kl. 10 á morgnanna og loftið tekið úr kl. 22 á kvöldin. Belgurinn verður blásinn upp fram á haust en verður svo hafður í dvala þar til vorar á ný. Hann er öllum opinn og ekki farið fram á annað en að börn og unglingar fari úr skóm og gangi snyrtilega um svæðið.

Það er Sveitarfélagið Skagaströnd sem lét setja belginn upp og annast rekstur hans.

425705053125 425705053935185