100 ára fæðingaræfmæli Kristjáns frá Djúpalæk

100 ára fæðingarafmælis skáldsins Kristjáns frá Djúpalæk verður minnst með dagskrá sunnudaginn 6. nóvember kl. 14 í Hömrum í Menningarhúsinu Hofi á Akureyri. Kristján fæddist 16. júlí 1916.

Fram koma kammerkórinn Hymnodia sem flytur nokkur laga skáldsins, vandræðaskáldin þau Sesselja Ólafsdóttir og Vilhjálmur B. Bragason flytja nokkur verka skáldsins í tali og tónum, söngkonan Jónína Björg Gunnarsdóttir og píanóleikarinn Daníel Þorsteinsson flytja lög úr Pílu pínu, Aðalbjörg Bragadóttir flytur erindi um sérstöðu ljóðagerðar Kristjáns og Héraðsskjalasafnið kynnir fyrirhugaða sýningu safnsins um skáldið og verk hans.

Enginn aðgangseyrir og allir hjartanlega velkomnir.